مرة اتنين مساطيل قاعدين ومعاهم مراية فواحد مسك المراية وبص فيها وقال الشكل دة مش غريب عليا راح التانى مسكها وبص فيها وقاله إيه يا عم انت مسطول ده انا

»      صعيدي سافر بره خمس سنين متواصلة لما رجع القاهرة لقاهم بيحتفلوا بسبوع إبنه بقى ماشي فرحان أوي ويقول موجودين بنخلف مش موجودين برضه بنخلف

»      لا يوجد ما يضحك اليوم … إلا أن نضحك على أنفسنا

»      واحدة نايمة جنب جوزها سمعت صوت في الصالة قالت لجوزها قوم شوف يمكن حرامى.. قالها قومي شوفى انتى يمكن حرامية

»      واحدة ست تخينة قوى قوى مش عارفين يوزنوها علشان الميزان كل مرة ينكسر جابوا احدث ميزان من برة وقالوا خلاص هنعرف وزنها بعد ماطلعت على الميزان الميزان خرج ورقة مكتوب عليها لو سمحتوا ياجماعة واحد واحد بالدوووووووور

»      مره اتنين طلبه أغبيه قاعدين يكتبوا ورا الأستاذ فى المحاضره وكل ما الأستاذ يمسح السبورة يقطعوا الورقة!!!!

»      مرة اتنيين مساطيل راكبين عربيه فواحد بيقول للتاني "حاسب قدامك شجره” فمردش عليه راح مزعق شويه وقال "حااااسب قداااامك شجرة” برضه مردش عليه طراااااخ خبطوا في الشجره فقال الاول "مش قلتلك قدامك شجره” رد عليه وقاله "اعملك ايه مش انت الي سايق”

»      صعيدي عاوز يزور فلوس جاب ورقة بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله عايز أفك الورقة دي الراجل قاله الله يخرب بيتك زورتها إزاى وخد الورقة ومشي وإستغرب أوي إن الراجل عرف دي مزورة منين وقال أنا هآرجع البلد أفكها من هريدي ولد عمي راح لهريدي قاله والنبي ياهريدي فك لي الورقة دي قاله والله مفيش جنيهات تآخد ورجتين بتسعة

»      مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

»      واحد شايل انبوبة غاز قال لمراته ادعيلى قالتله روح ربنا يفتحها فى وشك

»      واحد غبي رجع من السفر لقى الشقة مليانه صراصير.. غير قفل الباب

»      غبى دبح امه وابوه سالوه ليه قالهم اصل المدرسة عاملة رحلة للايتام

»      مصرى ولبنانى تاهت مراتتهم فى الزحمة المصرى بيسال اللبنانى مراتك لبسة اية قالة لبسة بدى ستومك وهوت شورت وانت مراتك شو لبسة ؟؟قال سيبك منها تغور فى داهية يلا ندور على مراتك

»      اتنين أغبيه بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

»      بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية

»      غبي ماشي في الشارع لقى واحد عنده حسنة فوق عينه قالو ياخي عين دي ولا غين

»      عجوزة سمعت ان الدش حرام قالت الحمد لله أنا طول عمرى بستحمى من الجردل

»      فلاحة أول مرة تروح للكوافير بيسالها سشوار ولا صبغة قالتله لا فلينى

»      مرة واحد صعيدى قابل واحدة أجنبية سألها انت منين قالتله واتwhat قالها اجدع ناس الوتاوتة دول

»      مذيعة بتسال صعيدى احمد زويل أخد جايزة نوبل فى ايه قالها فى علبة قطيفة حمرا