صعيدى رجع من الشغل لقى مراته مطبختش زعل ودخل نام فحبت تصالحه قالتله اعملك مساج قالها عليا الطلاق لو عملتيه لارميه بحلته فى الشارع

»      أستاذ سأل طالب فى اى فصل يسقط المطر قاله فى الفصل اللى مالهوش سقف

»      اتنين مساطيل طينة طلبت معاهم ان اول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها..

»      حرامي أتجوز حرمية خلفو عيل بس كان ئافل أيدية … راحوا بية للدكتور … لقو خاتم الممرضة في أيدوه

»      واحد اهبل مراتة ولدت بعد شهر من الجواز سألوة ازاى ؟؟؟؟؟؟ قال يانهار اسود على الحسد ياناس

»      واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل” و حط الورقة على السرير و نام صحي الساعة 10:00 فلقى ورقة مكتوب عليها "الساعة 6:30 يلا اصحى”

»      إتنين مشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته

»      واحد راح للدكتور قال له "يا دكتور انا عندي مشلكة فظيعة جدا، بانسى بسرعة” الدكتور قال له "المشكلة دي عندك من إمتى؟” قال له "مشكلة إيه؟”

»      في واحد مفلس ومنحوس ماشي في الطريق فلقى عربية عاملة حادثة، ولما شاف الضحايا، ففكر انه يقطع ودنه ويحطهاقدامه عشان ياخذ التعويض، وبعد ما عمل كده اكتشف انهم بيصوروا فيلم سينمائي.

»      في واحد معاه أرنب عايز يبيعه جاه واحد محشش وقال له بكم القرد ؟ رد عليه .. ياخي دى أرنب مش قرد .. قال المحشش يأخي أنا بسأل الأرنب مش بسألك…..

»      مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار” قالت له: "إلهي ينشل البعيييد!” قال لها: "و باع البيت” قالت له: "إلهي يبيعوا عنيه!” قال لها: "و اتجوز عليكي على فكرة” قال له: "إلهي يدخلوا عليا شايلينه” الراجل قال: "بس..خشوا يا رجالة…”

»      واحدة بتلعب استغماية مع خطيبها قالت لة لو لقتنى هتبوسنى لو ملقتنيش انا ورا الباااااب

»      صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله

»      ديلفرى بيسأل شيخ قاله هو انا شغلى حرام ؟ قاله ليه انت مش مؤمن؟ قاله لا كنتاكى

»      بخيل جاله ضيوف قال لمراته بفكر ادبح البغبغان … ونعمل شوربة و فته و نشوى الضلوع عالفحم و الجناح نعمله هواية و نعمل لحمة راس من المخ و نقلى الكبد و القوانص رد البغبغان: و احلبنى بالمرة علشان تعمل رز باللبن يا روح امك

»      واحده وحشه قوى بتقول لجوزها يا رااااجل مش تصلح شباك الحمام علشان وانا بستحمه الجيران مايشوفونيش… قالها: خليهم يشوفوكى علشان يصلحوه على حسابهم

»      واحد قبل ما يموت جمع ولادة التلاتة وحب يوصيهم …يفضلوا ايد واحدة واعطى لكبيرهم عود خشب كسره بسهولة.. اعطاه اثنين كسرهم بسهولة !! اعطاه خمسين عود كسرهم بسهولة!!!… قالهم طالما معاكم البغل ده مفيش خوف عليكم !!!

»      مره مدرس جغرافيا بيسأل طالبة ما هو ادفى شهر فى السنة قالتلوا شهر العسل

»      واحد اشترى موبايل و عاوز يعمل لمراته مفاجأة… فدخل الحمام و أخده معاه و اتصل بيها و قالها .. ألو يا حبيبيتي ثواني و أكون معاكي قالتله لأ ماتجيش دلوقتي جوزي في الحمام

»      وحدة تقول لزوجها … إية رأيك ندبح خروفين بمناسبة مرور 10 سنوات على جوازنا … قال زوجها … وإية ذنب الخروفين في غلطة ارتكبها حمار!!